डॉ. राजेंद्र शिंगणे यांच्या नेतृत्वावर विश्वास ठेवून त्यांनी समाजकारणाचा मार्ग निवडला, त्यांच्या दांडग्या जनसंपर्कामुळे ग्रामसेवा सहकारी सोसायटीमध्ये संचालक म्हणून ते निवडून आले. त्यांची पत्नी सौ. अर्चनाताई सागवन ग्रामपंचायतच्या सदस्या असून कृउबास बुलढाणा येथे संचालिका म्हणून कार्यरत आहे. इतर पक्षांकडून प्रवेशासाठी विविध आमिषे झिडकारून राष्ट्रवादीतच टिकून राहणाऱ्या सुनिल सोनुने यांच्या नियुक्तीमुळे बुलढाणा तालुक्यातील पक्ष संघटनेत उत्साह संचारला आहे. त्यांच्या चाहत्यांनी सदर निवडीचे जोरदार स्वागत केले आहे.
या निवडीबद्दल सोनुने यांनी डॉ. शिंगणे तसेच नरेश शेळके यांचे आभार मानले आहेत. आपल्या प्रतिक्रियेत ते म्हणाले की, ‘संघटनात्मक बांधणीवर जोर आणि गांव तिथे शाखा हा उपक्रम राबतविण्याला प्राथमिकता दिली जाईल. शरद पवार साहेबांचे विचार घराघरात पोहोचविण्यासाठी प्रयत्नांची पराकाष्ठा करू तसेच बुलढाणा तालुक्यात राष्ट्रवादीला सर्वच बाबतीत आघाडीवर ठेवू’, या शब्दांत श्री सोनुने यांनी आपल्या भावना व्यक्त केल्या.
