मुक्ताईनगर प्रतिनिधी….
शिवसेना (उद्धव बाळासाहेब ठाकरे) पक्षाच्या मुक्ताईनगर तालुकाध्यक्षपदी ॲड. राहुल अशोक पाटील तर विधानसभा क्षेत्रप्रमुख पदी नितीन बळीराम गोसावी ( हिवरा तालुका मुक्ताईनगर) यांची नियुक्ती संघटनात्मक बांधणीसाठी जिल्हाप्रमुख योगीराज पाटील यांनी केलेली आहे.
पक्षप्रमुख उद्धव ठाकरे यांच्या आदेशानुसार व उपनेते संपर्क प्रमुख गुलाबराव वाघ यांच्या मार्गदर्शनाखाली व पक्षाच्या ध्येयधोरणांनुसार कार्याचा विस्तार करण्यासाठी या नियुक्त्या करण्यात आल्या आहेत.
नवनियुक्त पदाधिकाऱ्यांनी पक्षाचे विचार तळागाळापर्यंत पोहोचवावेत, सामान्य जनतेचे प्रश्न सोडवण्यासाठी प्रयत्नशील राहावे व आगामी काळात पक्ष संघटना अधिक मजबूत करावी, अशा सदिच्छा यावेळी व्यक्त करण्यात आल्या.
