*علماء اور مدارس سے نفرت کرنے والوں کا ڈی این اے ٹیسٹ کیا جائے : مفتی محمد ھارون ندوی*
اورنگ آباد دار العلوم محمدیہ کے سالانہ اجلاس میں بہت ھی اہم خطاب
مسلمانو ! اِن مدارس نے مُلک پر بڑا احسان کیا ھے،اِن ھی مدارس سے وہ علماء وہ جیالے پیدا ہوئے ہیں جنھوں نے مُلک کی آزادی میں صفِ اوّل میں رہ کر قربانیوں کا نذرانہ پیش کیا،اِن علماء اور مدارس سے اُس وقت انگریزوں کو بڑی نفرت تھی،داڑھی ٹوپی والوں کو دیکھتے ھی انگریز بھڑک جاتے تھے کیوں کہ اِن علماء اور داڑھی ٹوپی والوں نے انگریزوں کو یہاں سے بھاگنے پر آمادہ کیا تھا،انگریزوں بھارت چھوڑو، انقلاب زندہ باد،جیسے نعروں کے ساتھ تحریک آزادی وطن کا ماحول بنایا اور انگریزوں کے خلاف فتویٰ دیا اور پھر ایک دن اللہ تعالیٰ نے آزادی کا تحفہ نصیب فرمایا،اِس لئے انگریز اِن مدارس اور علماء سے بڑی نفرت کرتے تھے اور آج بھی کُچھ لوگ اِن مدارس اور علماء سے نفرت کرتے ہیں مُجھے یقین ھے کہ اگر اُن کا ڈی این اے ٹیسٹ کیا جائے تو انگریزوں سے ملے گا،
مسلمانو ! یہ مدارس دین اور ایمان کے قلعے ھیں ،اِنکی حفاظت انکا تعاون ھماری اپنی ذمے داری ھے ، یہ حکومت کی بھیک اور خیرات پر نہیں چلتے ھیں اور ہمارے بزرگوں کو اللہ تعالیٰ نے بڑی دور اندیشی عطا کی تھی جو انہوں نے مدارس کے لیئے حکومت سے کسی قسم کا تعاون حاصل کرنے سے گریز کیا ورنہ آج مدارس بھی حکومت کے محتاج اور دینی ایمانی تعلیم کی خدمات کے بجائے کُچھ اور کرنے پر مجبور ہوتے ، ہمارے بزرگوں نے کہا تھا کہ یہ مدارس مسلمانوں کے تعاون سے ھی چلینگے اور چل رھے ھیں ، ان مدارس کو ہر طرح سے تعاون کرکے حفاظت کرو اور اپنے بچوں کو دین کی تعلیم سے بھی وابستہ کرو،دُنیاپڑھاؤ سکھاؤ کوئی حرج نہیں،اسلام تمہیں منع نہیں کرتا مگر اپنے بچوں کو دین اسلام کی طرف مائل کرو ورنہ ایمان و اسلام پر ڈاکہ ڈالنے والے بچوں کےایمان اسلام کے ساتھ کھیل رہے ھیں اور بیٹیاں ارتداد کی طرف مائل ہو رہی ہیں ،ایسے بہت ھی پیارے خیالات کا اظہار مُلک کے مشہور دینی علمی سیاسی میدان میں صفِ اوّل میں رہ کر بیباک کام کرنے والے عالم دین مفتی محمد ھارون ندوی نے اپنے تفصیلی خطاب میں فرمایا ، چیتے گاؤں اورنگ آباد مہاراشٹر میں دار العلوم محمدیہ کے تکمیلِ حفظ قرآن اور اصلاح معاشرہ کا عظیم الشان اجلاس عام منعقد کیا گیا تھا جس کی صدارت بُزرگ عالم دین مولانا احمد پٹیل نے فرمائی اور شھر اورنگ آباد کے سیاسی ملی رہنما الیاس کرمانی اور سینکڑوں کی تعداد میں آس پاس کے علماء اور ہزاروں کی تعداد میں عوام و خواص نے اِس پروگرام میں شرکت کی ،حفاظ قرآن کریم کی دستار بندی کی گئی ،حافظ مولانا عیاض صاحب اور دار العلوم محمدیہ کے علماء خُدام ذمے داران کی محنت اللہ تعالیٰ نے قبول کی اور یہ پروگرام بے مثال کامیاب فرمایا ۔۔
